ازاي تخلي طفلك يسمع كلامك من نظره عين ؟!!

ازاى تخلى ابنك يسمع كلامك من نظرة عينك??

اولا لازم ياجماعة نعود اولادنا على النظام والسمع والطاعة من وهما صغيرين لكي يوجد انضباط لهم من الصغر

لازم ابنك يتعلم يعملك حساب ويسمع الكلام
مش معنى كدة انوا يبقى بيخاف لأ لازم يعرف انك كلمتك لازم تتسمع وقت ماتقوليها
وطبعا كل طفل على قد سنه   مفيش عيل صغير وعيل كبير فى قواعد واحدة بس الطرق مختلفة

قواعد تربيه الطفل واحدة بس طرق تنفيذها بتختلف بأختلاف اعمارهم

شخصيتك مع اولادك :
اول حاجة لازم يتعملها الطفل ان انتى اللى مسيطرة مش هو
ولازم يخاف او يعمل حساب لكمتك انتى مش باباه
لانه عايش معاكى انتى طول النهار

اول حاجةعلشان ابنك يبطل العند:
ابنك لو عاوز حاجة وانتى قولتيله لأ خلاص يبقى لأ لو عمل ايه
هو هيقعد يعيط ويكسر يبهدل ولا تبصيله حتى (بمعنى ولا تبصيله) هو عاوز يعمل دا كله علشان يلفت انتبهاك او يزهقك
علشان ينفذ اللى فى دماغه
سبيه يعيط وحتى لو حبيتى تجيبله الحاجةدى بعد كدة
يبقى بعدها بفترة بمزاجك يعنى او لما يعمل حاجة كويسة تقوليله علشان انت شاطر انا هجيبلك دى علشان انت عملت كذا حلو اوسمعت كلام ماما وكدة
بس اهم حاجة متتضعفيش لانه مبيزهقش من تكرار المحاولة دى
يعنى كل يوم هيعيط وكل يوم هيعمل نفس الحركة على امل انك تضعفى ودا اللى بيخلى العيل يسيطر علينا وبيبقى عارف هو هيعمل ايه لو رفضتى طلبه

وبكده تكوني دربتي ابنك علي اسلوب معين يفهمك بيه بسرعه